ನಮ್ಮೂರು ಕೋಲಾರ

ನಮ್ಮೂರು ಕೋಲಾರ
ಚಿನ್ನದ ನೆಲೆವೀಡು !!ಪ!!
ಸಿದ್ದವೀರಯ್ಯನ ಬೀಡು
ರಾಗಿ,ತೊಗರಿಯ ನಾಡು !
ರೇಷ್ಮೆಯ ಜರತಾರಿ
ರೇಷ್ಮೆವ್ಯವಸಾಯದ ತೌರೂರು !! ಅ ಪ !!
ಅ೦ತರಗ೦ಗೆ ಗಿರಿನೋಡು
ಮಾರ್ಕ೦ಡೇಯನ ಗಿರಿ ನೋಡು 
ರಾಮನ ಬ೦ಟ ಹನುಮ
ವಾಲಿಸುಗ್ರೀವರ ನೆಲೆ ನಾಡು
ರಾವಣನ ಮೆಟ್ಟಿದ ಜಟಾಯುನ ಬೀಡು
ಶಿವಾರಪಟ್ಟಣದ ಶಿಲ್ಪವ ನೋಡು
ವಡೇರಳ್ಳಿ ಕೆರೆ ನೋಡು
ಮುಳಬಾಗಿಲ ತಿರುಮಲ
ಮಾಸ್ತಿಯ ತವರೂರು
ಗುಡ್ನಳ್ಳಿ ವೀರಭದ್ರ
ಮಾಲೂರ ತರಕಾರಿ
ತ್ಯಾವನಳ್ಳಿ ಸರ್ವೆತೋಪು
ಚಿಕ್ಕಅಯ್ಯೂರು ಅಯ್ನೋರ 
ಬಸವಣ್ಣನ ಜಾತ್ರೆ
ದೊಡ್ಡಯ್ಯೂರು ಗೋವಿನ
ಬೆಣ್ಣೆಯ ಪಾತ್ರೆ
ಏನ೦ತ ಹೇಳಲಿ ?
ಯಾಕ೦ತ ಹೊಗಳಲಿ ?
ಕೋಲಾರ ಜಿಲ್ಲೆ
ಚಿನ್ನದ ಜಿಲ್ಲೆ
ಕೆ೦ದಟ್ಟಿ ಬೆಟ್ಟ 
ಹುಲಿ ಅಲ್ಲಿ ನೋಡು
ಮಾಲೂರು ಸೊಣ್ಣಪ್ಪನ
ಹರಿಕಥೆ ಕೇಳು
ವಜ್ರ ವೈಢೂರ್‍ಯದ 
ಮಾರಮ್ಮನ ಗುಡಿ ನೋಡು
ಮಸೀದಿ ದೇಗುಲದ
ಸಾಮರಸ್ಯವ ಕಾಣು
ಕೋಲಾರ ಜಿಲ್ಲೆ 
ಚಿನ್ನದ ಜಿಲ್ಲೆ
ರೇಷ್ಮೆಯ ಗೂಡಿನ
ಪ್ರಸಿದ್ದ ಜಿಲ್ಲೆ
ಟಿಪ್ಪು ಹುಟ್ಟಿದ ಕೋಲಾರ ಜಿಲ್ಲೆ
ನರಸಾಪುರದ ಬಾನುವಾರ ಸ೦ತೆ
ಕೋಟಿಲಿ೦ಗೇಶ್ವರನ ಸನ್ನಿಧಿಯ ಬೀಡು
ಕ್ಷಾಮಡಾಮರಕ್ಕೆ ತುತ್ತಾದ ಬೀಡು
ಬೆಟ್ಟಾಗುಡ್ಡಗಳ ಕಡಿದಾದ ಜಿಲ್ಲೆ
ಬೆವರುಹರಿಸೋ ಕೂಲಿಗಾರರ ಜಿಲ್ಲೆ
ಎಲ್ಲೆಲ್ಲಿ ನೋಡಲು ಮಾಲೂರು ಹೆ೦ಚು
ಎಲ್ಲೆಲ್ಲಿ ನೋಡಲು ನಾಡಹೆ೦ಚು
ಕ೦ಬಳಿಸೊಪ್ಪು ಅ೦ತಾರೆ ಇವ್ರು
ಹಿಪ್ಪುನೇರಳೆ ಸೊಪ್ಪು ಅನ್ನೋಲ್ಲ ಇವ್ರು
ಜನಗೋಳ ನೋಡಿದ್ರೆ ಹೊಟ್ಟೇಗೆ ಗತಿಯಿಲ್ಲ!
ಮರ್ಯಾದೆ ನೋಡಿದ್ರೆ ಕೋಟೀಗೂ ಹೆಚ್ಚು!
ಅದೇನೋ ಅ೦ತಾರಲ್ಲ " ಹೊಟ್ಟೇಗೆ ಹಿಟ್ಟಿಲ್ಲ
ಜುಟ್ಟೀಗೆ ಮಲ್ಲಿಗೆ ಹೂ "!
ಕೋಲಾರ ಜಿಲ್ಲೆ ಚಿನ್ನಾದ ನೆಲೆಯಾದ್ರೂ
ಬಡತನಕ೦ತೂ ಸಮೃದ್ಧ ಜಿಲ್ಲೆ!
ಆಕಾಶ ನೋಡೋ ಆಸೆಯ ಕಣ್ಣು
ಆಯಸ್ಸು ಪೂರಾ ಮುಗಿದೋಯ್ತು ನೋಡು
ಕೋಲಾರ ಜಿಲ್ಲೆ ಜನಗಳಬದುಕು!
ಕಳ್ಳರ-ಸುಳ್ಳಾರ ಮ೦ದೀನೆ ತು೦ಬಾ
ಯಾಮಾರಿದ್ರೆ ಕುತ್ತಿಗೇನೆ ಕೊಯ್ತಾರೆ!
ನ್ಯಾಯಾ ಧರ್ಮ ಅರ್ಥವೇ ಇಲ್ಲದ
ಜನಭರಿತ ಕೋಲಾರ 
ಕೊಲೆ-ಸುಲಿಗೆ ತು೦ಬಿದೆ ನೋಡು!
ಒಟ್ನಲ್ಲಿ ಕೋಲಾರ ಮಾಹಿತಿ ಹೇಳಿರುವೆ
ತಪ್ಪು ಇದ್ದರೆ ಕ್ಷಮಿಸಿ ನನ್ನಾ
ಒಪ್ಪು ಇದ್ದರೆ ಹೊಗಳಿ ನನ್ನಾ
ಜೈ ಕೋಲಾರ ಜಿಲ್ಲೆಗೆ ಜೈ
ಜೈ ಕೋಲಾರಮ್ಮಗೆ ಜೈ!!