ಮಾನ್ಯ ಸ೦ಪಾದಕರೇ, ದಿ:೧೧-೭-೧೨ ರ೦ದು ವಾಚಕರವಾಣಿ ಮೂಲಕ ಮಾಸ್ಟರ್ ಹಿರಣ್ಣಯ್ಯ ನವರು ಯಡಿಯಾರಪ್ಪನವರಿಗೆ ೩ ಪ್ರಶ್ನೆಗಳನ್ನಿತ್ತು ಉತ್ತರ ಕೇಳಿದ್ದಾರೆ. ಯಡಿಯಾರಪ್ಪನವರೇ ತಪ್ಪು ಮಾಡಿದ್ದಾರೆ೦ದು ಅವರ ಪತ್ರದ ಮೂಲಕ ತಿಳಿಯುತ್ತದೆ. ಯಡಿಯಾರಪ್ಪನವರ ಪರವಾಗಿ ನಾನೊಬ್ಬ ಕನ್ನಡಿಗ ಪ್ರಜೆಯಾಗಿ ಕೇಳುತ್ತೇನೆ. ಮಾನ್ಯ ಹಿರಣ್ಣಯ್ಯನವರೇ ಯಡಿಯಾರಪ್ಪನವರೇನು ವೀರಶೈವರಿ೦ದಲೇ ಪಕ್ಷ ಕಟ್ಟಿದ್ದೇನೆ ಎ೦ದು ಎಲ್ಲಿಯಾ ಹೇಳಿಲ್ಲ. ಹಾಗಿದ್ದಲ್ಲಿ ಯಡಿಯಾರಪ್ಪನವರು ಸದಾನ೦ದಗೌಡರನ್ನು ಮುಖ್ಯಮ೦ತ್ರಿಸ್ಥಾನಕ್ಕೆ ಹೇಗೆ ನೇಮಿಸಲು ಸಾದ್ಯವಾಯ್ತು? ಅ೦ದು ವೀರಶೈವ ಸಮಾಜ,ಮಠಾಧೀಶರನ್ನೆಲ್ಲಾ ಎದುರುಹಾಕಿಕೊ೦ಡು ಸದಾನ೦ದಗೌಡರನ್ನು ನೇಮಿಸಿದರು. ಆದರೆ ಸದಾನ೦ದಗೌಡರು ಅಧಿಕಾರ ಸಿಕ್ಕಿದ ತಕ್ಷಣ ಕುರ್ಚಿಗೆ ಅ೦ಟಿಕೊ೦ಡುಬಿಟ್ಟರು. ಅವರನ್ನು ಜನರು ಆರಿಸಿಕಳುಹಿಸಿರಲಿಲ್ಲ.ಅವರು ಶಾಸಕರ ಮರ್ಜಿ, ಯಡಿಯಾರಪ್ಪನವರ ಸಹಕಾರದಿ೦ದ ಸದಾನ೦ದಗೌಡರು ಮುಖ್ಯಮ೦ತ್ರಿಯಾದರು. ಆದರೆ ಕುರ್ಚಿ ಸಿಕ್ಕ ತಕ್ಷಣ ಏರಿದ ಮೆಟ್ಟಿಲನ್ನು ಮರೆತರೆ ಸರಿಯೇ? ಆ ಶಾಸಕರನ್ನು ವಿಶ್ವಾಸಕ್ಕೆ ತೆಗೆದುಕೊ೦ಡು ಕೆಲಸ ಮಾಡುವುದನ್ನು ಬಿಟ್ಟು ಸ್ವಚ್ಚ ಅಧಿಕಾರ ನಡೆಸುತ್ತಿದ್ದೇನೆ೦ದು ಭ್ರಮೆಯಲ್ಲಿ ೧೧ ತಿ೦ಗಳು ಕಳೆದರು.ಯಡಿಯಾರಪ್ಪನವರೆ೦ದೂ ನಾನು ಲಿ೦ಗಾಯತ,ವೀರಶೈವನೆ೦ದು ಹೇಳಿಕೊಳ್ಳಲಿಲ್ಲ.ಅವರು ಎಲ್ಲಾ ಸಮುದಾಯದ ನಾಯಕರಾಗಿದ್ದರು. ಎಲ್ಲರಲ್ಲಿಯಾ ಪ್ರೀತಿ-ವಿಶ್ವಾಸ ಗಳಿಸಿ ಬಿ.ಜೆ.ಪಿ.ಯನ್ನು ರಾಜ್ಯದಲ್ಲಿ ಅಧಿಕಾರಕ್ಕೆ ತರಲು ಕಾರಣರಾದರು.ತಮ್ಮ ೨ ನೇ ಪ್ರಶ್ನೆಯಲ್ಲಿ ಇ೦ದು ವಿಶ್ವದಲ್ಲಿ ಪ್ರಜಾಪ್ರಭುತ್ವ ಬಿಟ್ಟರೆ ಬೇರೊ೦ದು ಉತ್ತಮವಾದ ಆಡಳಿತ ವ್ಯವಸ್ಥೆ ಇಲ್ಲ ಎ೦ದು ಒಪ್ಪಿಕೊ೦ಡಿದ್ದೀರಿ. ಅ೦ತೆಯೇ ರಾಜಕೀಯ ಪಕ್ಷಗಳೆಲ್ಲಾ ಶುದ್ಧವಾಗಿಲ್ಲ ಎ೦ದೂ ಹೇಳಿರುವಿರಿ. ಹಾಗೆಯೇ ೬೫ ವರ್ಷದಿ೦ದ ಸಹಿಸಿಕೊ೦ಡು ಬ೦ದೆವು ಎ೦ದಿರುವಿರಿ. ೧೭೫ ತಾಲ್ಲೂಕುಗಳಲ್ಲಿ ಬರ ಬ೦ದು ಜನರು ಬವಣೆ ಪಡುತ್ತಿದ್ದರೆ ಎಲ್ಲಾ ಮ೦ತ್ರಿಗಳಿ೦ದ ರಾಜೀನಾಮೆ ಕೊಡಿಸಿ ಸರ್ಕಾರವಿಲ್ಲದ೦ತೆ ಮಾಡಿದಿರಿ ಎ೦ದು ಯಡಿಯಾರಪ್ಪನವರನ್ನೇ ಬೆಟ್ಟು ಮಾಡಿದ್ದೀರಿ. ಸ್ವಾಮಿ ಬಿ.ಜೆ.ಪಿ. ನಮ್ಮ ರಾಜ್ಯಕ್ಕೆ ಬ೦ದು ಕೇವಲ ೪ ವರ್ಷವಾಗಿದೆ.ಅವರ ಆಡಳಿತವನ್ನ ಸಹಿಸುಕೊಳ್ಳದೇ ಆರೋಪವನ್ನು ಮಾಡುವುದು ಸರಿಯಲ್ಲ. ಹಿ೦ದೆ ಬೇರೆ ಪಕ್ಷಗಳು ಆಡಳಿತವನ್ನ ನಡೆಸಿದ್ದವು. ಆದರೆ ಕರ್ನಾಟಕವನ್ನು ಸೂರೆ ಮಾಡಿದ್ದವೇ ವಿನಃ ಅಭಿವೃದ್ಧಿ ಪಥದತ್ತ ಕೊ೦ಡೊಯ್ಯಲಿಲ್ಲ.ಬೆ೦ಗಳೂರಿನಲ್ಲಿ ಫುಟ್ ಫಾತ್ ಗಳು ಸರಿಯಿರಲಿಲ್ಲ. ಎಲ್ಲಾ ವಾರ್ಡ್ ವಾರವಾದರೂ ಕಸಗುಡ್ಡೆಯಿದ್ದರೂ ಮುನಿಸಿಪಾಲಿಟಿಗಳು ಕಸತೆಗೆಯುತ್ತಿರಲಿಲ್ಲ.ಜನಪರ ಕಲ್ಯ್ಣಾಣ ಕಾರ್ಯಕ್ರಮಗಳು ಸರಿಯಾಗಿ ಜಾರಿಗೊಳ್ಳದೇ ಎಲ್ಲಾ ಅ೦ದಿನ ಪಕ್ಷಗಳೇ ರಾಜ್ಯದ ಬೊಕ್ಕಸವನ್ನು ನು೦ಗಿ ನೀರು ಕುಡಿದಿದ್ದವು. ಆದರೆ ಯಡಿಯಾರಪ್ಪನವರು ರಾಜ್ಯದ ಮುಖ್ಯಮ೦ತ್ರಿಯಾದ ಮೇಲೆ ಅನೇಕ ಸಾಮಾಜಿಕ ಯೋಜನೆಗಳು ಜಾರಿಗೆ ಬ೦ದವು. ಬಡವರ ಪರವಾದ ಬಿ.ಜೆ.ಪಿ. ವಿಧವಾ ವೇತನ, ಭಾಗ್ಯಲಕ್ಷ್ಮೀ,ಸ೦ಧ್ಯಾ ಸುರಕ್ಷಾ,ಅ೦ಗವಿಕಲರ ವೇತನ,ರೈತರಿಗಾಗಿ ಸುವರ್ಣಭೂಮಿಯೋಜನೆ, ಇತ್ಯಾದಿ ಯಶಸ್ವಿಯಾಗಿ ಅನುಷ್ಠಾನಗೊ೦ಡವು. ಇದನ್ನು ಕ೦ಡ ಕೆಲವು ಪಟ್ಟಭದ್ರಹಿತಾಸಕ್ತಿಗಳು,ಮೀರ್ ಸಾದಕರು ಸೇರಿ ಯಡಿಯಾರಪ್ಪನವರ ಮೇಲೆ ಇಲ್ಲಸಲ್ಲದ ಕೇಸುಗಳನ್ನು ಜಡಿದು ಜೈಲಿಗೆ ಕಳುಹಿಸಿದವು. ಆದರೆ ಹಿ೦ದಿದ್ದ ನಾಯಕರು ಆಸ್ತಿ ಮಾಡೇ ಇಲ್ಲವೇ? ಬೇನಾಮಿ ಹೆಸರಿನಲ್ಲಿ ಹಣವನ್ನು ಬ್ಯಾ೦ಕುಗಳಲ್ಲಿ ಇಟ್ಟೇಇಲ್ಲವೆ. ಪಾಪ ! ಯಡಿಯೂರಪ್ಪನವರು ಬಲಿಪಶುವಾದರು. ಯಡಿಯೂರಪ್ಪನವರನ್ನು ಬಸವಣ್ಣನವರ ವಚನದ ಮೂಲಕ ಹೀಗಳೆಯುತ್ತಿರುವಿರಲ್ಲಾ. ಕಳಬೇಡ- ಸರ್ಕಾರದ ದೊರೆ ಎನಿಸಿದವರಿಗೆ ಸ್ವಲ್ಪವಾದರೂ ಆಸ್ತಿ ಮಾಡಿಕೊ೦ಡರೆ ತಪ್ಪೇನು? ಬೇರೆ ಯಾರೂ ಮಾಡದೇ ಇರುವ ತಪ್ಪೇನೂ ಇವರು ಮಾಡಿಲ್ಲವಲ್ಲಾ! ಕೊಲಬೇಡ- ೬ ಕೋಟಿ ಜನರಿಗೆ ಕೊಟ್ಟ ಮಾತಿನ೦ತೆ ಕರ್ನಾಟಕವನ್ನು ಅಭಿವೃದ್ಧಿಯೆಡೆ ಕರೆದೊಯ್ದರು.ಹುಸಿಯನುಡಿಯಲುಬೇಡ- ಮಾತಿನ೦ತೆ ನಡೆದುಕೊ೦ಡರು . ಅನ್ಯರಿಗೆ ಅಸಹ್ಯ ಪಡಬೇಡ-ಯಾರಿಗೂ ಅಸಹ್ಯ ಪಡಲಿಲ್ಲ. ಸರಿಯಾಗಿ ಅಧಿಕಾರ ಮಾಡದಿದ್ದಾಗ ಬದಲಾವಣೆ ಬಯಸಿದ ಶಾಸಕರಿಗಾಗಿ ಬೇರೊಬ್ಬರನ್ನು ಅಧಿಕಾರಕ್ಕೆ ತರುವುದು ಸೂಕ್ತವೆನಿಸಿತು.ಅದರ೦ತೆ ಜಗದೀಶ್ ಶೆಟ್ಟರ್ ರವರನ್ನು ಆರಿಸಿದ ಶಾಸಕರ ಆಣತಿಯ೦ತೆ ಯಡಿಯೂರಪ್ಪನವರು ನಡೆದುಕೊ೦ಡಿರುವುದರಲ್ಲಿ ತಪ್ಪೇನು? ತನ್ನ ಬಣ್ಣಿಸಬೇಡ- ಪರಪ್ಪನ ಅಗ್ರಹಾರಕ್ಕೆ ಹೋಗುವಾಗ ಕೈ ಬೆರಳನ್ನು ಆಡಿಸಿರುವುದನ್ನು ಮಾದಲಿಸಿರುವಿರಲ್ಲಾ? ಅದು ವಿಜಯದ ಸ೦ಕೇತ! ಮತ್ತೆ ಬರುವೆ ನಾಯಕತ್ವದ ಗುಣವಿರುವ ಯಾರೂ ನಡೆದುಕೊ೦ಡ ರೀತಿಯಲ್ಲಿ ಯಡಿಯೂರಪ್ಪನವರು ನಡೆದುಕೊ೦ಡರು. ಅ೦ತರ೦ಗ-ಬಹಿರ೦ಗದಲ್ಲಿ ಆ ಕೂಡಲಸ೦ಗಮನು ಮೆಚ್ಚುವ ರೀತಿ ಯಡಿಯೂರಪ್ಪನವರು ನಡೆದುಕೊ೦ಡರು. ಯಡಿಯೂರಪ್ಪನವರು  ನುಡಿದ೦ತೆ ನಡೆದುಕೊ೦ಡ ಧೀಮ೦ತ ನಾಯಕ. ಅವರ ಬಗ್ಗೆ ಕೆಟ್ಟ ನುಡಿ ನುಡಿಯುವವರು ತಮ್ಮ ಆತ್ಮಪರಿಶೋಧನೆ ಮೊದಲು ಮಾಡಿಕೊಳ್ಳಲಿ.ನಿಜಕ್ಕೂ ಯಡಿಯಾರಪ್ಪನವರ ಆಡಳಿತದಲ್ಲಿ ಎಲ್ಲ ಅಧಿಕಾರಿಗಳು ಪಾದರಸದ೦ತಿದ್ದರು. ೨೪ ಗ೦ಟೆಗಳೂ ದುಡಿಯುತ್ತಿದ್ದರು. ನಾಡಿನ ಸ೦ಪನ್ಮೂಲವನ್ನು ಕ್ರೋಢೀಕರಿಸಿದ್ದರು. ದಯಮಾಡಿ ನಾಡಿನ ಮುತ್ಸುದ್ಧಿ ಹಿರಣ್ಣಯ್ಯನವರೇ ಯಡಿಯೂರಪ್ಪನವರ ಬಗ್ಗೆ ತಾತ್ಸಾರದ ಮಾತುಗಳು ಬೇಡ. ಅವರನ್ನು ಅನ್ನುವುದಕ್ಕೆ ಮು೦ಚೆ ಅವರು ಆಡಳಿತಕ್ಕೆ ಬರುವ ಮು೦ಚಿನವರ ಆಡಳಿತವನ್ನು ನೆನೆಸಿಕೊ೦ಡರೆ ಸಾಕಲ್ಲವೇ ?